Bienvenue au site web officiel de Radio Safi

Radio Safi مرحبا بكم على الموقع الرسمي لـ

gallery/instagramlogo
gallery/facebook logo
gallery/youtube logo radio safi
gallery/forum de presse regionale
gallery/radio safi logo
gallery/news

نشرة الأخبار، كل أحد و أربعاء مع 19:00 على راديو سافي

 

إعداد و تقديم: فريق العمل براديو سافي

 

أخبار دولية، وطنية و كذلك محلية أو جهوية

gallery/fatima ezzahraa hachika

برنامج "ليك سيدتي"، برنامج ديال النساء، كتقدمو ليكم فاطمة الزهراء هشيكة كل أحد مع 20:00 و في هاد البرنامج كتحاول ديما تجيب ليكم مواضيع خاصة بالنساء، أو مواضيع عامة و لكن كتناقشها من زاوية رؤية نسائية. و في نفس الوقت كتعطي للسيدات وصفات صحية و جمالية طبيعية

برنامج "شهيوة و نصيحة"، كيفما باين من سميا ديالو، هو برنامج ديال الطبخ و النصائح المنزلية، كتقدمو ليكم بديعة كبال كل ثلاثاء مع 20:00 و في هاد البرنامج كتعطيكم كل أسبوع أكلة بمكونات بسيطة و متاحة للجميع، و في الفقرة الثانية ديال البرنامج كتعطيكم نصيحة لي تقدر تفيدكم كاملين

gallery/badiaa kebbal
gallery/meryem gardam

برنامج "شباب اليوم"، كتقدمو ليكم مريم كرضام كل ثلاثاء مع 20:30 و من خلال هاد البرنامج كتحاول مريم تناقش ليكم موضوع من مواضيع الساعة أو شي ظاهرة لي كنشوفوها في المجتمع ديالنا، و لكن من زاوية رؤية شبابية. مريم في هاد البرنامج كتعتامد على دراسات لي يمكن دارو بخصوص دوك المواضيع و في نفس الوقت على التكوين ديالها في مجال القانون، و كذلك على الآراء ديال المستمعين

gallery/smahane ramzi

أخبار النجوم، فقرة أسبوعية خفيفة، كتقدم ليكم فيها اسمهان آخر أخبار المشاهير و النجوم سواء في مجال الغناء، السينما، الرياضة... إلخ. هاد الفقرة كتسمعو ليها كل أربعاء مع 20:00 و كتعاود كل نهار مع 16:00

gallery/hafsa ramadane - hashtag web

كيفما كتشوفو الإسم ديالو، برنامج "هاشتاغ ويب" كيهتم بآخر أخبار الويب و تكنولوجيات التواصل الحديثة، و وسائل التواصل الإجتماعي، و آخر الإبتكارات و الإختراعات. هاد البرنامج كتقدمو ليكم حفصة رمضان كل أربعاء مع 20:30 و في كل حلقة كتحاول تجيب ليكم آخر ما كاين في الويب

gallery/said hattoti (agenda)

هاد الفقرة الرياضية، كيقدمها ليكم سعيد حطوطي كل خميس مع 19:30 و كيحاول فيها يجيب ليكم أهم المواعيد الرياضية في مختلف الدوريات المغربية، العربية و الدولية، و كذلك مواعيد التظاهرات الكؤوس العالمية، لي تقدرو تفرجو فيها في نهاية الأسبوع

gallery/maryam jabran

نتهلا فراسي، برنامج صحي أسبوعي كتقدمو ليكم مريم جبران على راديو سافي، كل خميس مع 20:00 و من خلال هاد البرنامج كتهضر ليكم في كل حلقة على موضوع كيخص الصحة ديالكم؛ أمراض، فوائد بعض المواد الغذائية، علاجات... إلخ. و في بعض الحلقات كتستقبل ضيوف في مجال الصحة باش يناقشو معاها مواضيع في مجال اختصاصهم

gallery/chaimaa boutiri

هذا هو البرنامج لي من خلالو غادي تبداو بداية جديدة في حياتكم مع المدربة المعتمدة في التنمية الذاتية؛ شيماء بوتيري في الإعداد و التقديم كل جمعة مع 20:00. في هاد البرنامج شيماء كتحاول ديما تهضر ليكم بطريقة متفائلة على بعض المواضيع لي كتهم الصحة الوجدانية ديالكم، و كتحاول تشوف معاكم النصف الممتلئ من الكأس باش تتجاوزو بعض العقبات لي يكمن تكون في طريقكم، و لي الحل ديالها يمكن يكون ساهل غير خاصكم لي يعطيكم ديك الدفعة للأمام

gallery/kross well

هادا برنامج مباشر ديال ساعتين، "ما عندو تا موضوع و لكن تيناقش كل المواضيع" هادي هي الجملة لي تيقول ديما كروس ويل في البداية ديال البرنامج ديالو. هذا برنامج لكل الناس لي يالاه سالاو الخدمة ديالهم مع 18:00 أو يالاه خرجو من المدرسة و باغيين يكملو النهار ديالهم بشوية ديال الضحك و النشاط و الموسيقى. و في بعض الأحيان كيكونو حاضرين حتى ضيوف في هاد البرنامج

gallery/abdellatif nouri

البرنامج سميتو "زيروو" و لكن هو العكس ديال الإسم ديالو، كيفاش ؟ هاد البرنامج لي كيقدمو ليكم عبد اللطيف النوري كل إثنين مع 20:00 كيعطيكم فيه معلومات كثيرة و يمكن ما كتعرفوهاش على شخصيات لي دارت البصمة ديالها في التاريخ ديالنا؛ فنانين، رياضيين، شخصيات عامة مشهورة... إلخ